Inuusuttut inatsisartuisa namminneq siunnersuusiatik oqaluuserissavaat

Inuusuttut inatsisartui sisamassaa ataatsimiissapput, ilinniartoqarfinniillu assigiinngitsunit 15-init aggersarneqarlutik. Inussuttut inatsisartui siornatigut ataatsimiittarnerminni oqaluuserisassatut siunnersuutigisarsimasaat ilaatigut tassaapput, “Kalaallit Nunaat Inatsisillu Tunngaiuvusut” “Tamat oqartussaaqataanerit” aammalu “Eqqortuliorneq Naapertuilluarnerlu” .

Aappaagu jannuaarip ulluisa 17-anni Inuusuttut Inatsisartui ataatsimiilerunik pingaarnertut oqaluuserissavaat “Nunarsiormioqataaneq”. Inuusuttut inatsisartuisa sulineranni inernerusut, inaarutaasumik aalajangersakkami allanneqassapput, taakkualu Kalaallit Nunaanni Inatsisartut Siulittaasuannut, Kalaallit Nunaanni Naalakkersuisut siulittaasuannut aammalu Folketingip Siulittaasuanut ingerlateqqinneqassapput. Inuusuttut inatsisartuisa ataatsimiinnissaannut ilinniartoqafiit pingasut ataatsimeeqataatitsiniarlutik nalunaarsimalereerput. Ataatsimiinneq aappaagu jannuaarip ulluisa 17-anniit jannuarip ulluisa 22-ata tungaanut ingerlanneqassaaq.