Inuusuttut Inatsisartuisa ataatsimeeqqaarfiat

Inuusuttullu sapiissuseqalutik oqaluttarfimmi naatsukullannik, ersarissunik kiisalu tunngavilersorluakkanik isummersortarput. Kinaassuseq, oqaatsit kiisalu piorsarsimassutsip killiffia annertuumik ulloq siulleq sammineqarput.

Kenneth Mortensen oqallinnermi peqataalluartut ilagaat, peqataaninilu pissarsiaqaatigilluarpaa.

- Isiginneriaatsit assigiinngitsut paasivakka. Imaanngittoq uanga eqqarsartariaasera kisima atussallugu. Sungiusaatigivara ileqqorissaarnermik taamanna ataatsiminnermi ingerlatsisinnaanissamik, Kennet Mortensen oqarpoq. Kiisalu inuusuttut inatsisartuinut 31-usunut oqaluttarfimmiit saqqummersinnaanini pitsanngortissallugu sungiusaatigivaa. Aalajangiiffigisassanut siunnersuuteqartut ilagaat Naasunnguaq Olesen, siunnersuutigisamilu oqallisigineqarnerat ima nalilerpaa.

- Siunnersuutigisara tigulluarneqartutut nalilerpara, taavalu oqaluuserilluarneqarluni, oqallinnermilu isiginnittaatsit assigiinngitsut takuneqarput. Naasunnguaq Olesen oqarpoq.