Politiit ullormut nalunaarutaat: Inuusuttut gummigedimik tillittut KNAPK-mullu aportut
Gummiged inuusuttumit aquttoqartoq sisamanngornerup unnuaani KNAPK-p Nuummi allaffianut aporsimasoq, Kalaallit Nunaanni Politiit sisamanngornermi ullaakkut paasissutissiissutigaat.
- Inuusuttut gummigedi KNAPK-p allaffiata qanittuaniittoq tillissimavaat illumullu sanianiittumut aporlutik, pigaartut pisortaat, Malik Olesen oqarpoq.
Ajutoornermi ajoqusertoqanngilaq, kisianni soorunami atortutigut ajoqusiisoqarpoq, politiit paasissutissiipput.
Tamanna unnuaq pingasunut pivoq, politiillu sumiiffimmi videokkut nakkutilliissutit misissueqqissaarnermi atorsinnaasatik qulakkeerniarpaat.
- Inuusuttuusut nalunngilarput, qassinilli ukioqarneri imaluunniit qanoq amerlatigineri ilisimaqqissaanngilarput, Malik Olesen oqarpoq.
Taamaammat politiit inuit pisumik takunnissimasut imaluunniit pisumut ilisimannittut tusarfigerusuppaat. Politiinut 70 14 48-mut attaveqarsinnaavutit.
