Inuusuttut biilimik aallarussisimasut tigusarineqartut
Angutit inuusuttut marluk, 16-inik 19-inillu ukiulik, biilimik Toyotamik aallarussinermik kingorna Nuummi politiinit pingasunngornerup unnuaani nalunaaqutaq 1.20 tigusarineqarput.
Biilip aallarunneqarsimanera marlunngornermi ullaakkut politiinut nalunaarutigineqarpoq, aallarussisimasorineqartullu akunnerit 24-t qaangiutiinnartut talittarfimmi biilertillutik politiinit unitsinneqarput. Politiit Facebookkikkut taama ilisimatitsipput.
Aamma atuaruk Politiit aalakoorluni biilertoqarneranik juulleriartornerani nakkutilliiniartut
Biilinik aallarussisoqartarnera aalakoorlunilu biilertoqartarnera Nuummi politiit sapaatit-akunnerini makkunani immikkut alaatsinaappaat, tamatumunngalu atatillugu angutit inuusuttut marluk unitsinneqarsimapput.
Pineqartut biilimik aallarussisimasutut kingorna unnerluutigineqarput.
