Inuusuttut Ataqatiigiit nunat avannaamioqatigiit inuusuttaasa siunnersuisoqatigiiffiani
Tassungalu Inuusuttut Ataqatigiit siulittaasuat Muté Bourup Egede aallartitatut peqataassaaq, Jane Petersen-ilu siulittaasoq tulliusoq alaatsinaattutut peqataassalluni.
Nunat avannaamioqatigiit inuusuttaasa naapinneranni issittoq immikkut oqaluuserineqartussaammat Inuusuttut Ataqatigiit peqataassamaarput. Inuusuttut Ataqatigiit ilisimaaraat ukiuni kingullerni issittoq maluginiarneqarlunilu oqaluuserineqartut ilagilluinnaraat, taamaattumillu siulerusuisuusut aaliangiussisimapput issittup oqaluuserineqarnerani aallartitaqarnissaq pisariaqartuusoq.
Taassuma saniatigut Inusuttut Ataqatigiit nunat namminersortut oqaloqatiginissaanut periarfissaq atorluarniarpaat. Inuusuttut Ataqatigiit nunat avannaamioqatigiit inuusuttai nunanit namminersortuneersut ilisimasaannik misilittagaannillu paarlaasseqatigiillutik siunissami suleqatigiilersinnaanerat takorloorpaat.