Inuusuttuararpassuit kinguaassiutitigut atornerlugaasarput

Danmarkimi innuttaasut  peqqissusaannik misissuisarfimmeersut 2011-mi Nunatsinni meeqqat atuarfiini 9. aamma 10. klassinik atuartunik misissuereerlutik taama inerniliipput.

Missuinerit paasinarsisippaat niviarsiaqqat pingasuugaangata ataaseq kinguaassiuutitigut kannguttaatsuliorfigineqartartoq, peqatiminit imaluunniit inersimasumit, tassa inuusuttuaqqamit ukiunik ikinnerpaamik tallimanik angajullermit taama pineqartarluni. Aamma nukappiaqqat quliugaangata ataaseq assingusumik misigitinneqartartoq misissuinerit takutippaat.

Inuusuttuaqqat inersimasumik ilaqarsimasut 75 procentii suli 15-iliinatik ilaqartarsimapput, pingajorarterutaat suli 13-iliinatilluunniit inersimasunik ilaqartarsimapput.

Inuusuttuaqqat inersimasunik ilaqarsimasut amerlanersaat siornatigulli ilisarisimasaminnik ilaqartarnertik oqaatigisarpaat.

Inuusuttuaqqat ilaquttaminni qanigisaminni imminut toquttarnerit, nakuusertarnerit, aamma aanngajaarniutinik atornerluisut 9. aamma 10. klassini atuartut, Nunatsinni atuarfinni aqqaneq-marlunni misissuiffigineqarmata Ilaqutariinnermut, Kultureqarnermut, Ilageeqarnermut Naligiissitaanissamullu Naalakkersuisoqarfimmit aamma PAARISA-mit peqataasoqarpoq.