Inuusuttuaqqat pinerlunniartarneri ikiliartorput

Nuummi inuusuttuaqqat pinerlunniartarneri malunnaatilimmik ukiup affaata kingulliup iluani ikileriarput.

Politiit, Nuummi isumaginnittoqarfik suleqatigalugu, inuusuttuaqqat pinerlunnerpaasartut arfineq-marluk nunaqarfimmut inuerunnermukaappaat, tamannalu kinguneqarluarpoq.

Biilit tilleriarlugit aallarussorneqartartut Nuummi politiit qaammatikkuutaartumik allattorsimavaat. Jannuaarimiit februaarimut biilit aallarussorneqartut malunnaatilimmik ikileriarsimasut allattuiffimmi takuneqarsinnaavoq.

15-t angullugit ukiarmi aallarussorneqarput jannuaarimilu 21-t aallarunneqarlutik. Februaarimi tallimat aallarunneqarput marsimilu ataaseq aallarunneqarluni. Aallarunneqartut malunnaatilimmik ikileriarnerat nassuiarneqarsinnaavoq.

Nuummi politiit, isumaginnittoqarfik angajoqqaallu suleqatigiillutik inuusuttuaqqat pinerlunnerpaasartut Qoornuliaappaat.

Inuusuttuaqqat persuttaasartut, atornerluisartut tillinniartartullu arfineq-marluk politiinit isumaginninnermi sullissisunit piniartumillu ataatsimit nakkutigineqarlutik sapaatip-akunnerini tallimani ullaakkut makinnissaminnik, ullaakkorsiuusiornissaminnik inuunermilu ulluinnarni suliaasartunik sungiusarneqarput.

- Tamanna kinguneqarluarpoq, Nuummi politiit pisortaat Bent Heiselberg oqarpoq.

Inuusuttuaqqat pineqartut 14-t 18-illu akornanni ukioqarput.