Inuusuttuaqqat ministerit apersoraat
Neqinik tunisassiortoqarpallaarnanilu, eqquisoqarpallaarnanilu avammut tunisaqarpallaannginnissaq naalakkersuisut qanoq qulakkeerniarpaat? Danmarkimi pinngortitami uumassusillit assigiinngisitaarnerisa attatiinnarneqarnissaat ministerip qanoq ililluni qulakkeerniarpaa?
Atuartut nuna tamakkerlugu 8. - 9.klassemeersut, Savalimmiuneersullu Kalaallit Nunaanneersullu, inuusuttuaqqat Folketingimi inatsisartuisa Folketingip ataatsimiittarfiani ataatsimiimmata ministerinut taama ilaatigut apeqquteqarput.
Inuusuttuaqqat 8. - 9.klassemeersut Danmarkimeersut, nunatsinneersut Savalimmiuneersullu Christiansborgimi Folketingimi ukioq allortarlugu ataatsimiitsinneqartarput, ministerinut apeqquteqaateqarsinnaallutik, ataatsimiititalianilu oqallissinnaallutik, namminerlu siunnersuusiorsinnaallutik.
Atuartut politikkilerinissamut linniartinneqarnerat nuannaarutissaasoq
Nuummi Ukaliusap Atuarfiani 10.klassemeersut marluk, inuusuttuaqqat inatsisartuisa Christiansborgimi ataatsimiinneranni ukioq manna peqataapput.
Ataatsimiititaliat assigiinngitsut aqqa neq-marluk statsministeri Mette Frederiksenimut, ministerinullu allanut arfinilinnut apeqqutinik piareersaasimapput, ministerillu akunnermi apeqquteqarfiusinnaasumi najuullutik.
Qimaasut ilinniartitaanerannut, biilinik angallannerup minnerpaaffimminiitsinneqarnissaa, ilaatigut apeqquteqarfigineqarput.
Inuusuttuaqqat politikkimut akuunerulernissamut ilinniartinneqarnerat nuannaarutissaasoq, Folketingip siulittaasuata Henrik Dam Kristensenip oqaatigaa.