Inuusuttuaqqat allatulli nunarsuarmioqataarusupput
Misissuinermik ingerlatsisoq, lektor Rasmus Ole Rasmussen oqarpoq, nunani tamani inuusuttuaqqat pilersaarutaannit tamanna allaanerunngitsoq.
Rasmus Ole Rasmussen oqarpoq issittumi, nunarsuatsinnimi tamani inuusuttut assigalugit Nunatsinni inuusuttut soorlu internetikkut attaveqaqatigiittarnermikkut ullullu tamaasa suminngaanniilluunniit nutaarsiassat aqqutigalugit nunarsuatsinni susoqarneranik malinnaasinnaagamik, ornikkusutaminnut nuussinnaanissartik neriuutigilertaraat.
Utoqqaanerulaartut inuusunerminniit taamatut attaveqaqatigiissinnaanerminnik periarfissaqarnikuunngitsunut sanilliullutik, ullumi inuusuttut soorlu Facebookikkut nunarsuatsinni sumiikkaluartunulluunniit attaveqarsinnaanertik nalinginnaasumik atulereernikuugamikku, arlaannut nuunnissartik merserinnginnerusarpaat, lektor Rasmus Ole Rasmussen oqarpoq.