Inuusuttoq Maniitsumi saqqummersitsilerpoq
Angut inuusuttoq maniitsormiu, Laasi Biilmann illoqarfiup katersugaasiviani ullumimiit suliaminik saqqummersitsilerpoq.
Saqqummersitsineq aggutsip 27-ata tungaanut takuneqarsinnaavoq.
Angutip inuusuttup eqqumiitsuliortutut maannamut suut misilittarsimanerai takuneqarsinnaapput. Atortut suulluunniit atorlugit ilusilersuisinnaaneq misilittarluarsimavaa.
Qalipaasarnermi, qiperuisarnermilu saniatigut, soorlu aamma issiaviliorsimavoq alutornarluinnartumik, issiavittaa sikkerartunik avalequtilersorsimasumik. Laasip issiavik "inuuneq"-mik taaguuteqartippaa.
Laasi Biilmannip eqqumiitsuliortut atuarfianni Nuummiittumi ukioq ataaseq ilinniarnini naammasseqqammerpaa.
Laasi Biilmann siornatigut Katuaq aamma Nuuk Kunstmuseum-imi saqqummersitsisareerpoq.
Maniitsup Katersugaasiviani saqqummersitsinerit akileeqqaarani alakkarterneqarsinnaapput.