Inuusuttagut Christiansborgemut
Inuusuttut Kalaallit Nunaanneersut Christiansborgimi Folketingimi ilaasortatut ukiumoortumik misiliinissaminnut qinnuteqarnissaat novembarip ulluisa pingajuannut killeqarpoq.
Inuussuttut Folketingimi tallimassaa misiliisinneqarnerat pissaaq aappaagu februaarip tallimaanni, inuusuttullu Nunatsinneersut Savalimmiuneersut Danmarkimeersullu namminneq oqaluuserisassatut siunnersuusiatik oqaluuserissavaat. Taamatuttaaq danskit ministeriinut apeqquteqaateqarsinnaatitaassallutik.
Inuusuttut upernaaq apriilimi kingullermik taama katersuutsinneqarmata nunatsinnit Sisimiuni Minngortunnguup atuarfianeersut marluk peqataasur atuartunut annernut akissarsiaqartitsisalernissamik siunnersuuteqarput.
Inuusuttut tullianik misiliinissamut massakkumut siunnersuuteqarsimasutuaapput Nuummi Ukaliusap Atuarfianeersut. Sunngiffeqartarnermik feriartarnermillu siunnersuumillu siunnersuutaat aallaaveqarpoq. Siunnersuutigisimavaat burgerinik neriniartarfippassuarnik ingerlatsisoq McDonalds Nuummi immikkoortaqalissasoq.
Inatsisissamik siunnersuusiorusukkaanni ”ilitsersuut” ajornanngitsunnguaq Inuusuttut parlamentiisa nittartagaanni takuneqarsinnaavoq, uani:
www.up.ft.dk
