Inuussutissat akii qaffakkaluttuinnartut ataatsimiissutigaat
Nunarsuarmi tamarmi inuussutissat akiisa qaffakkaluttuinnartut unitsinneqarnissaat pillugu ataatsimeersuarnissaq, ilaatigut naalagaaffiit peqatigiinni ilisimatuunit peqataaffigineqartussaq, ullumi aallartissaaq.
Allattoq Louise M. Kleemann
apriilip 22-at 2008 07:40
Tuluit ministeriunerat Gordon Brown ataatsimeersuarnermik aaqissuisuuvoq.
Silap pissusaata allanngoriartorneratigut silaannarmik CO2-imi mingutitsineq annikillisinniarlugu, inuussutissat ilaat orsussatut atorneqarput akitsoraluttuinnarlutillu.
Nunani ineriartortunik taasani, inuussutissat pisiariumaneqarneri pissutaallutik akit qaffakkaluttuinnarput, taamaaqataanillu silap pissusaata allanngoriartornerata kinguneranik panernersuit qarsutsinerillu akulikilliatorlutik. Ajornartorsiut tamanna anigorniarlugu piffissaq qaninneq eqqarsaatigalugu immikkut iliuuseqartoqartariaqartoq pilersaarusiortoqarlunilu, Gordon Brown erseqqissaavoq.
