Inuussutissarsiornermut naalakkersuisoq Avanersuarmukarpoq

Inuussutissarsiornermut Suliffeqarnermullu Naalakkersuisoq Ove Karl Berthelsen aggustip 17-ianiit 22-anut saviminermik piiaaffiusinnaasumik misissuiartorluni Inglefjeldlandimukarpoq.

NunaMinerals A/S-imi siulersuisut peqatigalugit savimineqarneranik misissuinissamut pilersaarutip pissanganartup alakkarnissaanut naalakkersuisoq ingerlatseqatigiiffimmit qaaqquneqarpoq.

Ingerlatseqatigiiffik Saviminissamik annertuumik peqarnissaanut isumalluarluarpoq.

NunaMinerals nittartakkamini allappoq, Inglefield Land 1994-imili misissuiffigineqalermat, taamanerniilli piaaffiusinnaalernissaa ilimanaateqarsorineqalersoq.

Saviminissamik naammattumik annertuunik peqartoq misissuinerup takutippagu Nunaminerals A/S piiaanissamut siulliusussaatitaavoq.

NunaMinerals A/S-imi piginneqataassutit 37 procentii Namminersorlutik Oqartussanit ullumikkut pigineqarput.