KNR #Inuushow aamma Issittormiuaqqat
Aallakaatitassiaq Inuushow inuusuttuunermi aqqusaartakkat sammillugit inuusuttunut aallakaatitassiaavoq aliikkutassiaanerusoq, pingasunngornikkut TV-kkut aallakaatinneqartartussaq, radiokkullu ataasinngornermiit tallimanngornermut toqqaannartumik aallakaatinneqartartussaq.
Ilaarutilliineq, ilisarititsineq, qiiaammisaalaarfik ilaatigut qulequtaralugit aallakaatitsisassaagut.
Inuushowimi saqqummiisuusassapput Pipaluk Egede Poulsen, Inuk Ostermann Sørensen, Maali Hermansen aamma Pipaluk Lynge-Rasmussen.
Inuushow TV-kkut pingasunngornerit tamaasa nalunaaqutaq 20.00-imiit aallakaatinneqartassaaq radiokkullu ataasinngornermiit tallimanngornermut 15.00-imiit toqqaannartumik aallakaatinneqartassalluni.
Issittormiuaqqat – Kaju peqatigalugu meeqqanut aallakaatitassiaavoq assigiinngitsunik imalik. Ilaatigut titartakkanik kalaallisut oqaasertalersukkanik imaqarluni.
Issittormiuaqqani saqqummiisuusassapput Inuk Ostermann Sørensen aamma Maali Hermansen.
Issittormiuaqqat TV-kkut ataasinngornikkut tallimanngornikkullu 17.30-miit aallakaatinneqartassaaq.
Isiginnaarluarisi tusarnaarluarisilu.