Inuunerup Nipaa Nuummi aallakaatitsisalerpoq
Inuunerup Nutaap Oqaluffia upperisartik aallaavigalugu tussiutiminnik ulloq unnuarlu aallakaatitsisalerpoq. AG-mi tamanna atuarneqarsinnaavoq.
Allattoq Mads Lynge
Kristumiussutsimut tunngasunik aallakaatitsisalernissaq pilersaarutaavoq, atortussalli aatsaat inissippata tamanna piviusunngortinneqarsinnaalluni.
Raatiup taaguutaa tassaavoq Inuunerup Nipaa, aallakaatitallu kalaallisuujunerussapput, oqaluffiullu ilagisaannit ingerlanneqartassallutik.
Raatiortaassap aningaasalersorneqarnissaa aallaqqaammut ajornakusoorsimavoq, Savalimmiunili kristumiut raatiuat Inuunerup Nipaata aallartinneqarnissaanut 265.000 koruuninik katersipput.
Raatiortaaq teknikerimit Savalimmiunneersumit aallartinnissamut ikiuukkiartorluni tikeraarpoq.