Inuunermi pissutsinut sulliviit atuarfinni pilersinniarpaat
Nunatsinni meeqqat inuusuttullu peqqinnerunissaat immikkut iliuuseqarfigissallugu Kalaallit Nunaanni Meeqqat Atuarfiini timersorneq pillugu suleqatigiissitat piareerput. Kim Godtfredsen suleqatigiissitamik pilersitsisuusoq, atuarfinni inuunermi pissutsinut sulliveeqqanik suliniuteqarpoq.
septembarip 28-at 2009 08:31
Inuunermi pissutsinut sullivimmik meeqqanut pilersitsinissamik Naalakkersuisut isumaat Kalaallit Nunaanni Meeqqat Atuarfiini Timersorneq pilllugu suleqatigiissitamit nuannaarutigineqarpoq.
- Naalakkersuisut ajornartorsiutit ilumoorummatigik, nutaanillu suliniuteqarniarmata, nuanneqaaq, Kim Godtfredsen oqarpoq.
Atuarfimmi timersorneq suliniutinik nutaanik peqqinnermik malitseqartussanik nassataqarluni takkutingajalerpoq. Soorlu pinnguartitsisartussanik, Legepatruljenik, ilaatigut pilersitsisoqassaaq, anitsiarfinni atorneqarsinnaasunik, taava atuareernerup kingorna ornittakkani, fritidshjemmini allanilu, timersortoqartalissaaq.
