Inuuneritta suliniutinut 29-nut agguaavoq

Allattoq Mads Lynge
juunip 10-at 2007 13:35

Peqqinnissamut pisortaqarfiup aningaasaateqarfia Inuuneritta suliniutinut 29-nut agguaavoq.

Peqqissutsimut Avatangiisinullu Naalakkersuisoq Arkalo Abelsen Inuuneritta Puljemit agguaassivoq.

Qinnuteqartut 29-t 572.800 koruuninik tamakkiisumik ilaannakortumilluunniit tapiiffigineqarput. Tapiiffigineqartut ilaatigut makkuupput:

Ilulissani Ilaqutariit ineriartorfiat, Aasianni Ilaqutariit meerartaartussat piaartumik suliniuteqarfigineqarnerat, Narsarmijini meeqqat inuusuttuaqqallu ornittagaata ingerlanneqarnera, Nuummi Parkisonimik Nappaateqartunut Peqatigiiffiliornissaq, Qaqortumi pujortarunnaarnissamik ilitsersuisutut pikkorissaanissaq, Ilulissani Qasigiarsuit Qinnguani ASIMEEQATIGIINNEQ 2007, Kangaatsiami Kommuneqarfik tamakkerlugu aasisitsinissaq, Kangaatsiami Kommuneqarfik tamakkerlugu qimussimik aallaartitsinissaq innuttaasunullu imigassartaqanngitsumik unnussioqatigiissitsinissaq kiisalu Ilulissani Ilaqutariinnut Imigassartaqanngitsumik aliikkusersuinerit, paasisitsiniaanerit kiisalu SMS-festival 2007.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq