Inuuneritta mit aningaasat agguaanneqarput
Suliniutini pingaarnertut siunertaavoq Kalaallit Nunaanni inuit peqqinnerulernissaat inuunerinnerulernissaallu.
Peqqissutsimut Naalakkersuisoq Agathe Fontain Inuuneritta-mit aningaasaliissutinit aningaasanik katillugit 562.180,00 koruuninik agguaassivoq, Inuunerittamut qinnuteqartunut katillugit 40-inut tunniunneqarlutik. Aningaasanik Inuunerittamit tunineqartut tassaapput:
Uummannami imigassamik aalakoornartortaqanngitsumik aaqqissuussinissanut atugassat, aammalu Uummannami eqaarsaartartut peqatigiiffiata eqaarsarnermut atortunik pisinisammut atugassaat.
Qaanaami nunaqarfiinilu utoqqaat susassaqartinneqarnissaanut atugassanik aningaasaliiffigineqarput, aammalu Qaanaami nunaqarfiinilu inuusuttut meeqqallu aasakkut tammaarsimaarnissaannut atorneqartussat.
Kalaallit Røde Korsiata Qaqortumi tammaarsimaatitsinissanut aningaasanik tunineqarpoq. Maniitsumi ajaappialerlutik pisuttartut aajaappiassaanik pisinissamut tunineqarput. Napparsimavissuarmi Dronning Ingridip napparsimavissuani tarnimikkut nappaateqartut angallammik angalanissaannut tammaarsimaarnissaannullu atugassanik aningaasanik tunineqarput. Inuunerittamit tapiiffigineqartut allat kikkuunersut nittartakkatsinni knr naggat gl imi takuneqarsinnaapput.
