Inuunerinnissamut agguaasoqarpoq
Suliniutit aningaasanik tapiiffigineqartut ilaatigut tassaapput, gigtertunut nittartakkap www.gigt.gl-ip ineriartortinnissaanut tapiissutit, Ilulissani inuusuttut tarnimikkut napparsimasut timersortalernissaannut aningaasaliisoqarpoq, Nuummi pinerluuteqarsimasunut inissiisarfimmiittunut pikkorissartitsinissamut tapiisoqarluni, Nuummi qinngasaarisarnerup akiorniarneqarneranut atortussanik ineriartortitsinissaq taperneqarpoq aamma Upernavimmi suliniut imminut toquttarneq kinguaassiuutitigullu atornerluisarnerup oqallisigineqalernissaannik siunertaqartoq taperneqarpoq.
Kujataani savaatillit nuliaasa inuttut ineriartornissamut pikkorissartinneqarnissaannut tapiisoqarpoq kiisalu Qaqortumi meeqqat søndagskolertinneqartalernissaannut tapiisoqarluni.
Inuuneritta puljep qinnuteqaatit pinaveersaartitsinermik peqqinnerulernissamillu suliniutit inuunerullu naleqarnerulernissanik siunertaqartut tapiiffigisarpai.
