Inuuissiortup kissaataa

Iluuna igalaaminermut apummiittumut assammigut kilersimavoq. Taamaattumik inuuimmini sumik kissaateqarnerluni angajoqqaaminit aperineqarami oqarpoq, igalaaminikut blokip najugaqarfimmik eqqaaniittut tamarmik katersorneqarnissaat kissaatigalugu!

Isumassarsiaq tamanna angajoqqaavisa akueraat, Iluunallu inuuissiornera nuannersumik nalliussineqarpoq, ikinngutai tamarmik saleeqataallutik silamilu siaasaallutik, tamarmillu Iluunap isumassarsiaa torrallataanerarlugu nersualaarpaat.

Atuagaq qulequtaqartoq 'Inuuik saliiffik' Stina Sørensenimit atuakkiarineqarpoq Inuk Silis Høeghilu titartagartalersuisuulluni, titartakkallu nutaaliorluni marraasatut qalipaatigissaartunik ilusilersorsimavai.

Atuakkap saqqummersinneranut atatillugu, atuakkanik saqqummersitsisarfik Milik Publishing ullumi ullaap tungaani atuartunik minnernik Nuummi atuarfiup Ukaliusap arsaattarfiani eqqakkanik katersinissamik aaqqissuussivoq.