Inuttut inuiaqatigiinnut pingaarutilimmik suliaqarsimasutut ilisaassaaq

Siornatigut naalakkersuisunut inatsisartunullu siulittaasuusimasup, palasip Jonathan Motzfeldtip tallimanngorpat ilisaanissaa, inummik inuiaqatigiinnut pingaarutilimmik suliaqarsimasutut pisortatigoortumik ilisinerussaaq.
Allattoq Elisa Isaksen
novembarip 02-at 2010 16:54

Nunatsinni oqartussat, Nunavimmiit nunanillu avannarlernit peqataajartortut peqatigalugit Hans Egedep Oqaluffiani ilisinermi ilaqutaasut issiaqatigissavaat. Oqaluffimmi ilisisoqarnerani inissat 200-t ilaqutaasunut inniminnerneqarput, 250-illu innuttaasunut tamanut inniminnerneqarlutik.

Nittartakkami nanoq.gl-imi Naalakkersuisut immikkut iserfissamik pilersitsipput, tassanilu ilaatigut ilisinermi tussiutit sorliit tussiarneqassanersut nassaarisinnaavatit.

Naasortaliiniaruit tamanna tallimanngorpat nalunaaqutaq quliniit ullup qeqqanut pisinnaavoq, taamaattorli ilaqutaasut kissaatigineruaat, Jonathan Motzfeldtip Aningaasaateqarfianut, Nunatsinni ajunngitsuliornermik siunertaqartumut tunniusserusuttut tunisiumaartut.

Ilisinerup kingornagut Katuami nalunaaqutaq pingasuniit tallimanut kikkunnulluunniit kaffillertoqassaaq.

Jonathan Motzfeldtip ilisaanera oqaluffimmiit toqqaannartumik KNR-TV-kkut aallakaatinneqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq