Inussuliorneq naammassivoq
Qaqortumiit Igalikup tungaanut pisuinnarnut aqqutaani inussuliorneq sapaatip akunnerata ataatsip siuliani naammassineqarpoq, Qassiarsummiillu Narsap tungaanut aqqutip inussuliorfigineqarnera sapaatip akunnerani qaangiuttumi piareerluni, Sermitsiap nittartagaanut taama oqaluttuarpoq Kommune Kujallermi inuutissarsiornermi siunnersorti, Grethe H. Nielsen.
aggustip 05-at 2009 07:53
Aqqutissanik nalunaaqutsersuineq suliffissaaleqisunit illoqarfimmi pitsaaliuinermik suliaqartoq Bolethe Stenskov siuttoralugu, kiisalu takornarianik pisummik angalatitsinermi ataatsimiititaliamit marlunnik holdilerluni, aasaanerani ingerlanneqarpoq.
Suleqatigiit tuluk assiliisartoq Rama Knight, kajumissutsiminik peqataasoq, pisummik angalanermi aqqutaa pillugu kingusinnerusukkut assitalimmik atuakkiorniartoq ilagisimavaat.
Suleqatigiit tallimanngormat unnukkut qaqqamiit aterput, ataasinngormallu Narsami kommunip allaffiani suliaat nalliuttorsiutigineqarluni. Pisuinnaat aqqutissaat kingusinnerusukkut quppersaganngorlugit saqqummiunneqassapput.
