Inussuk: Isumalioqatigiisitap suliani isertuuppallaarpai
Inussuk isumaqarpoq Namminersorneq pillugu Isumalioqatigiisitat matoqqavallaartut. Inussuup siulittaasua Elisabeth Ravn Johansen oqarpoq, isumalioqatigiisitap suliani isertuuppallaarai. – Namminersorneq pillugu Isumalioqatigiisitap suliaminik innuttaasunut ilisimatitsinissani soqutiginngippallaarpaa, Elisabeth Ravn Johansen oqarpoq.
aggustip 20-at 2007 15:17
Taassuma Lars-Emil Johansen, Siumut aamma Anthon Frederiksen, Kattusseqatigiit partiiat, minnerunngitsumik kajumissaarpai, aappaagu Aningaasanut inatsisissap partinit isumaqatigiinniutigineqarnerani qulakkiissagaat Namminersulernissap paasititsiniutigineqarnissaata aningaasaliiffigineqarnissaa. Lars-Emil Johansen aamma Anthon Frederiksen tamarmik inussummi ilaasortaapput. Elisabeth Ravn Johansen aamma isumaqarpoq, Kalaallit Nunaanni politikerit nuimasut, Kalaallit Nunaanni kikkut tamarmik namminersulernissaq anguniarlugu suliamut akuusariaqarnerannik oqaatsitik timitalertariaqaleraat.
