Inussuk ingerlaaqatigiitsitsivoq
Ingerlaaqatigiinneq Nuup aqquserngini nalunaaqutaq tallimap qeqqa aallartippoq.
Ingerlaaqatigiinneq namminiilivinnissamut suleqatigiiffimmit, Inussummit, aaqqissuunneqarpoq, inuiaat kalaallit nunaminnik pisuussutaannillu piginnittussaanissaat ingerlaaqatigiinnermi isumaalluni.
Ingerlaaqatigiittut Rigsombudsmandip allaffeqarfiata silataani unissapput, tassanilu oqalugiartoqassaaq.
Peqatigiiffiit, Kattuffiit partiillu makku tapersersuipput; Sulinermik Inuussutissarsiuteqartut Kattuffiat, SIK, Kalaallit Ilinniagaqartut Kattuffiat, KIK, Sorlak, soorlu aamma Siumut Kattusseqatigiillu peqataatitaqartut.
Ullumikkut ullup ingerlaarfissatut toqqarneqarneranut pissutaavoq, Inatsisartut ukiaq manna ataatsimiinnertik ullumikkut naammassissammassuk, aamma Kalaallit – qallunaallu Namminersorneq pillugu Ataatsimiititaliarsuata isumaliutissiissut ungasinngitsukkut ataatsimiissutigisussaammassuk.
