Inuppassuit qimagussorneqarput
Ulussaarsuaq Earl USA-p kangimut sineriaanut massakkut qanilliartorpoq, North Caroline-imilu innuttaasut oqartussaasunit qimaguteqquneqarput.
Qimagussuinissamik naalakkiut ullumi siusinnerusukkut annertusineqarpoq, taamaalillutik Dare Countrymi innuttaasut 35.000-it aamma qimagussorneqartussanut ilanngullutik.
Tamanna pivoq USA-mi ulussaarsuit pillugit misissuivimmit malugineqarmat Earl suli sakkortuseriaqqissimasoq, kategori 4-miilerluni. Ulussaarsuit sakkortunerpaagaangamik kategori 5-imiittarput, nalunaaquttap akunneranut 215 kilometerinik sukkassuseqartarlutik.
USA-p kangimut sineriaani imaq 3,6 meterit tikillugit qaffassasoq taamaalilluni ilimagineqalerpoq.
Amerikami naalagaaffinni qulingiluani ulussaarsuarnissaa aarlerisaarutigineqarpoq, New York taakkununnga ilaalluni.
