Inunnik isumaginnittut perorsaasullu naammassipput
Nunarput ilinniarsimasunik ippassaq ullumilu pisuunnguallappoq, Ilulissanimi Perorsaasut Ilinniarfianni inunnik isumaginnittunik 20-inik ippassaq allagartartaartoqarpoq aammalu perorsaasunik qulingiluanik ullumi allagartartaartoqassalluni. Perorsaanermik Ilinniarfimmi rektori Nuka Kleemann angusisut
unnersiutigai. Oqaluttuarpoq allaffimminiit erinarsorpaluk tusaalersimagini sunaaffa angusisut nuannappaluttut.
Ilinniarfimmi naammasisut amerlanerit atorfinereerput.
Inunnik isumaginnittunngortut ukiuni marlunni ilinniareerlutik ippassaq allagartartaartut 21-iullutik aallartissimapput 20-ullutillu naammassillutik.
Perorsaasunngorniat ukiumut 20-it aallartittarput. Ukiuni sisamaat avillugu ilinniareerlutik qulingiluaallutik nalunaaqutaq qulinut allagartartaassapput. Ilinniarnerminnik unitsitsisartut meerartaarnertik ajornartorsiornertilluunniit unissutigisarpaat.
