Nunavut pilersinneqarmat anguniagassanik siunniussisoqarmat pisortani sulisorineqartussat Inuktitut oqalussinnaasut amerlanerussuteqarnissaat ilaatigut siunniunneqarpoq.
Nunavut apriilip aallaqqaataani 1999-imi pilersinneqarpoq, Northwest Territoriesimit avissaartinneqarami.
Kultureqarnermut pisortaqarfiup nalunaarutigaa pisortaqarfimmi pineqartumi sulisorineqartut Inuktitut oqalussinnaasut maanna 63 procentinngorsimasut, kommuneqarfinnillu aqutsisoqarfimmi sulisorineqartut Inuktitut oqalussinnaasut maanna 41 procentinngorsimasut.
Pisortani sulisorineqartut Inuktitut oqaaseqartut ukioq 2010 naatinnagu 56 procentinngorsimanissaat anguniagaavoq.