'Inuk' Oscarinnattussatut piukkuppaat
- Nunarput 57.000-it missinginik inulik, nunarsuarmioqatigiit akornanni filmiliortartunut minnerpaanut ilaagaluartoq, Nunatsinni oqaluttuassarpassuaqarpoq - oqaluttuanik nunarsuatta sinnerani paasineqarlutillu ilisarineqarsinnaasunik. Oqaluttuarlu taamaattoq USA-mi Filmakademip nersornaasigassanik tallimanik innersuussinermini ilaatippaa, Nuatsinni komitep oscarinnattussanik innersuussisartup nalunaarutigaa.
Filmi INUK Mike Magidsonimit ilitsersuisuuffigineqartoq, taassumanngalu
Ole Jørgen Hammeken aamma Jean-Michel Huctin suleqatigalugit najoqqutassiorneqarpoq.
Filmimi pisimasuimmik aallaaveqartumi, Inuup, 16-inik ukioqartup inuunera, illoqarfiit pingaarnersaanni Nuummi angerlarsimaffimminit ajornartorsiorfiusumit avannaanut sikusartumut, Uummannami meeqqat angerlarsimaffiannut nuutsitaanera oqaluttuarineqarpoq.
Nannunniartartoq tusaamasaq Ikuma piniartutut pikkorissutsiminik annaasaqaqqajaalersoq tassani naapippaa. Piniariaqatigiinnertik timikkut qamuunalu misigisaqarfigilluarpaat.
Filmip nunarsuatsinni pingaartinneqarluni nittarsaanneqarnera, komitemit maluginiarneqarpoq.
INUK nunarsuarmioqatigiit filmfestivaleqarneranni 20-nik nersornaatisivoq.
Filmi INUK Nunatsinni takorusunneqarluarsimaqaaq, soorlu Batmanimik filmiliamit nutaanerpaamit takorusunneqarnerusimalluni.
INUK 2013-ip aallartisimalernerani Tysklandimi, Sweitzimi, Østrigimi Koreamilu Kujallermi takutinneqartussaavoq.
Hollywoodimi Oscarinnannersiorluni 85-issaannik nalliuttorsiorneq 2013-imi februaarimi pissaaq.