Inuk Norgemi nuannarineqaqaaq

Assorsuarlu nuannarineqarpoq!

Filmertarfik ulikkaavissimavoq, isiginnaartullu tamarmik isumaqarput filmi "pikkunarlunilu pisimasuinnik tunngaveqarpasissoq". Nutaarsiassaqartitsivimmi Sikumi tamanna allaaserineqarpoq.

Filmimimmi taassumannga filmiliornissamik isumassarsisut, Jean-Michel Hutchin aamma Mike Magidson, Oslomeeqataapput, pingaarnertut inuttaritinneqartoq Ole Jørgen Hammeken peqatigalugu filmeriat apeqqutaat akisarlugit.

Ole Jørgen Hammekenip inuttaasullu allat akissarsiutigalugu filmiliaritittartuunnginnerat filmeriat tupigusuutiginerpaavaat.

Filmimi Inuk-mi inuttaasut aamma oqaluttuaraat, filmip siammarterneqarnissaa suli sulissutigigitsik. Filminillugooq siaruarterisartunik inunnillu filmfestivalini peqataasartunik oqaloqateqartarnikkut tamanna pisartoq, Siku News allaaserinnippoq.