Inuk ataaseq putsumik najuussuisimanerminut katsorsarneqartoq

Qaqortumi politiit Kimmernani inissiani ikuallattoqalersimasoq unnuaq nalunaaqutaq 04.18 kalerritsipput. 

Inissiani najugaqartut qimagussorneqarput, aqqusinerlu matuneqarluni. Nalunaaqutaq 7.30 ikuallattoq nakkutigineqarsinnaanngorsimavoq, nalunaaqutarlu qulinut qaminneqarluni, Kalaallit Nunaata Politiivi taama ilisimatitsipput. 

Napparsimmavimmi inuk ataaseq putsumik najuussuisimanerminut katsorsarneqarpoq, ullullu ingerlanerani angerlartitaanissaa ilimanarpoq. 

Inunnik allanik ajoqusertoqanngilaq. 

AAMMA ATUARUK Qaqortumi ikuallattoq qaminneqarpoq: Ineqartut allamut inissinneqarallarput

Ikuallattoqarnerani inissiat arfinillit eqqorneqarput. Politiillu ilisimatitsissutigaat inissiat najugaqarfigineqarsinnaajunnaarsimasut. 

Inissiami najugaqartut tamarmik qimagussuuneqarput, inissiaatileqatigiiffimmilu aqutsisunit inissianut allanut nuutinneqarlutik. 

Ikuallanneq qatserisartoqarnermut oqartussat peqatigalugit politiinit misissorneqarpoq.

Qaqortumi politiini pisortaagallartoq, Kunuk Jakobsen, oqarpoq:

- Sukkanerpaamik kalerrinneqarnerput pingaaruteqarluinnarpoq, taamaasilluta oqartussaqatigiit iluanni suleqatigiilluarsinnaalluta. Ajorluinnartumimmi pisoqarsimasinnaagaluarpoq.