Inuit Tapiriit Kanatami pilluaqqusipput
Inuit Tapiriit Kanatami præsidentip, Mary Simonip, namminersorneq pillugu taasisitsinermi taasiartorsimasorpassuit pillugit Kalaalit Nunaat Danmarkilu pilluaqquai.
Kalaallit imminut tatigalutik politikkikkut ingerlaqqeriarusuttut taasisitsinerup inernerata takutikkaa, Mary Simon oqarpoq.
Kalaallit Nunaanni namminersulernissaq pillugu taasisitsineq annertuumik pingaaruteqartoq. Taasisitsinerullu inernerata pingaaruteqarnera Canadami naggueqatigiit Inuit paasilluarsinnaagaat, Mary Simon oqarpoq.
- Kalaallit imminut qanoq tatigitigitigalutik maanna politikkikkut ineriartorusuttut, taasiartorsimasorpassuit takutippaat. Nunavumi Nunavimmilu Inuit namminneq, ukiuni kingullerni ineriartornertik pillugu taasisitsisarsimasut, Kalaallit assigalugit demokratii naapertorlugu ineriartornissaq qanoq ataqqitigigaat takutinneqarpoq, Inuillu qangaaniit inooriaatsiminni pingaartitaannut tamanna tulluartuuvoq, Mary Simon oqarpoq.
Danmarkip Kalaallit Nunaatalu qanittumik suleqatigiillutik namminersornermik eqqussinissaq pilersaarusiorsinnaasimammassuk, Mary Simonip Kalaallit Nunaat Danmarkilu pilluaqquai.
