Inuit Tapiriit Kanatami: Canada iliuuseqartariaqalerpoq
Issittuni nunaqarfiit silap pissusaata allanngorneranit eqqugaanerat annikillisinniarlugu Canadami naggueqatigiit Inuit kattuffiat, Inuit Tapiriit Kanatami, Canadami naalakkersuisut inappaat sukkanerusumik isumassarsianik nutaanik, politikimik nutaamik ilisimatusarnermillu nutaamik saqqummiusseqqullugit. Canadami pisortat ilisimatuunit allaniillu mianersoqqussutit tusaanngippallaarpaat.
Inuit taperit Canadami, nunavimmi nunaqarfiit avannarpasinnerpaat Salluit. Tasiusarsuarmit 10 kilomiiterit missaanni ungasitsigisumiittoq. 1100-nik inulik mianersoqqussutitut saqqummiuppaa. Tamaani illut arlallit sineriammut qanippallaarmata nuunneqareersimapput, illut toqqavii nakkaatitersimapput, Salluinnilu qatserisartoqarfik nuunneqarsimavoq, natia cementiusoq nakkarmat. Assingusumik aamma nunaqarfiit ilaat Tuktoyaktup sineriaa 100 meterinik ilanngarsimavoq, taamatullu ingerlaannassaguni illut arlallit ualerngup imartaanut nakkassapput, taamaammat maani illunik nutserileruttorput. Atuarfiusimasoq timersortarfillu nakkareersimapput, Inuit Taperit Canadami tamakku pillugit ernumassuteqarpoq. Mary Simon oqarneratut Canada maannangaaq iliuuseqartariaqalerpoq, nunap pissusaata allanngornerata nanaqarfinnut issittuniittunut eqquisut kinguneri annikillisinniarlugit.
