Inuit tallimat toqusimapput europami silarlungaarmat
Aviisimi Politikenimi allaaserineqartut naapertorlugit inuit ikinnerpaamik tallimat Europami silapilunneranit maannamut toqupput.
Allattoq Lotte Holm
Tuluit Nunaanni atuarfippassuit 100-ilikkaat suli matoqqapput. Illoqarfiillu pingaarnersaanni, Londondimi, ukiut 18-it ingerlaneranni aatsaat taama sakkortutigisumik nittaalartalimmik anorersuarpoq, Londonip annersaa ippassaq matoqqasariaqarluni. Tuluit Nunaanni 30 centimeteri angullugu ullumikkut apinissaa silasiortut ilimagaat.
Europami sumiiffinni arlalissuarni sila paatsiveqanngilaq, soorlu Frankrigimi, Spaniami Italiamilu.
Tuluit Nunaanni nittaannerujussua siaruaakkiartorpoq Skotlandillu tungaanut illuariartulerluni. Aviisimi Politikenimi taama allaaserinnipput.