Inuit tallimat angallammi toqulersut annaanneqarput

Aasianniit umiatsiarlutik Nuummukaraluartut inuit tallimat ualimut ajunaangajalluinnarput, ajunaarsimassagaluarpullu inuk alla umiatsiami allameersoq pinasuartumik iliuuseqapallassimanngikkaluarpat. Angut umiatsiamut ajunaarfiulersumut ikigasuarpoq pinasuartumillu umiatsiaq nunamut oqqullugu.
septembarip 14-at 2008 16:10

- Nalunaaqutaq marlunngulersoq pisumik kalerrinneqarpugut, Nuummi politeeqarfimmeersoq John Thorsen radio aviisimut oqarpoq.

- Kalerrinneqaratta assut attaviluppoq, oqaatigineqarpoq inuit pingasut angallammi ilisimajunnaarsimasut sinnerilu marluk ilisimajunnaanngujoortut.

Politiit taama kalerrinneqaramik annaassiniarasuarnissaminnut ulappuserput, qujanartumilli angutip umiatsiaq ikkivigisimavaa Nuummullu umiatsialivimmut Tidevandstrappemut apuullugu.

- Tasamunga apuukkatta ambulancet apuutereersimapput inuillu taakku tallimat peqqiillioqisut isumagalugit, John Thorsen oqaluttuarpoq.

Taanna erseqqissaavoq inuit taakku imigassamik ikiaroornartumilluunniit atuisimanerannik takussutissaqanngitsoq kuliltimilli toqunartunissimagaluartut.

John Thorsenip taamatuttaaq eseqqissaatigaa inuit taakku tamarmik maanna inuunerminnik navianartorsiorunnaareersut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq