Inuit siulliit aalisagartuumasuusimapput
Tamanna ilisimatusarnikkut paasisaaginnanngilaq angisooq, tassami aamma paasineqarpoq, inuup qarasaata ukiut 1,8 millionit matuma siornagut alliartupiluulerneranut aalisakkat orsuat pissutaasoq. Taamaalilluni inuit aapakaatut pissuseqarunnaarlutik ullumikkut inuttut pissuseqaleriartornerannut, aalisakkat pissutaaqataalluinnarput. Nittartakkami ilisimatusarnermik sammisaqartumi videnskab.dk-mi taama allaaserinnittoqarpoq.
Aalisakkat saarngisa Kenyami nassaarineqartut paasinarsisippaat inuit siulliit aalisakkat pisarigaangamikkik, sakkuminnik ujaraasunik sequtsertarsimagaat.
Qangarsuaq nerineqartartut aalisakkat assigiinngitsut 48-uupput, taakkununnga ilaallutik aalisakkat imermiut mallet, saaniluit aamma kuukkooriarsuit isigaat.
Inuup qarasaata ineriartorneranut pingaaruteqarluinnartut ilaat tassaapput, aalisakkat orsuisa akui taaneqartartut omega-3 aamma omega-6.
Ilisimatusartut ilaatigut paasivaat, inuit siulliit antilopit, imermiutarsuit aamma siissisut ilaatigut inuussutigisimagaat.
