Inuit sisamat toqutsisimasutut Nanortalimmi unnerluutigineqartut

Nanortalimmi pasinartumik toqusoqarneranut atatillugu Kalaallit Nunaanni Politiit misissuinerminni inuit sisamat Nanortalimmi tigusarivaat, tamarmillu toqutsisimasutut unnerluutigineqarput.

AAMMA ATUARUK Nanortalimmi politiit toqutsisoqarsimaneratut misissuisut

- Tigusarineqartut suliamut atatillugu unnerluutigineqarput, inatsillu tunngaviusoq naapertorlugu killisiorneqassallutik, Julie Senderovitz Bendtsen oqarpoq.

Politiit inummik toqungasumik arfininngornermi ullaakkut nalunaaqutaq tallimat qaangerlugit tanneq sisamanngortoq siumuisoqarsimaneranik kalerrinneqarput.

Danmarkimi pinerluttulerinermut tunngasuni misissuisartut marluk, toqusumillu misissuisartoq aamma Danmarkimeersoq maanna Nanortaliliassapput politiit tassani misissuineranni ikiussallugit.

Misissuisoqarnera pissutaalluni toqusup aqqa, suiaassusaa qassinillu ukioqarnera politiit ilisimatitsissutigisinnaanngikkallarpaat.