Inuit salloqittaatitut Brasiliami atorneqarsimapput

Brasiliami nittartakkat ilaanni Kalaallit Nunaat Canadamilu inuit ippassaq salloqittaavimmi salluliuutaasimapput.

Ilanngutassiortoq Fulton Phillippson gringo.com-imi oqaluttuarpoq Brasiliami innuttaasut ilaat 5.000-t inunnit kingoqqisut, kulturikkut assut naqisimaneqartut, allaallu Naalagaaffiit Peqatigiit inuit pisinnaatitaaffii pillugit ataatsimiititaliarsuup nalunaarutigisimagai.

Inuit, Brasiliamut Uruguayimullu 1800-kunni nuussimasut, tikimmatali qaminngaartarnerat assut kamassutaasarsimanerarpaat.

Nittartakkami uppernarumasimaqisumi, pisimasut allaat Humphrey Bogart inuttaralugu 40-kkunni filmiliarineqarsimanerarneqarput.

Aamma inuit Amerika Kujallermut nuuttut kiassuarmik, kujammut Patagoniamut Falklandillu qeqertaannut arfanniatut piniartutullu inuuneqarumallutik nutsersimasut oqaatigineqarpoq.

Arsaattartorsuaq Ronaldo aamma inunnit kingoqqisuunerarneqarpoq, taamaammanngooruna issittumi meeqqat sumiginnakkat illuikkiuliuunneqarnissaannut aningaasanik tapersersuisuusoq.

Ilumullu salloqittaat Brasiliami upperineqarsimanersoq nalunavippoq.