Inuit pisinnaatitaaffii Amerika imminut puigorluni

Nunarsuarmi tamarmi Inuit Pisinnaatitaaffiisa malitsinniarnera qanoq ingerlava?

Amerikami nunanut allanut ministeriaqarfiup Inuit Pisinnaatitaaffianut tunngasoq nalunaarusiarisimavaa,

pissutillu Sudanimi, Irakimi Afghanistanimilu uparuartorneqangaatsiarsimapput, naak Amerika imminut uparuartussalluni taagugassarpassuaqaraluartoq.

Amerikami nunanut allanut ministeriaqarfiup Inuit Pisinnaatitaaffiinut tunngasut Nunat 190-it misissuiffigisimavai, Amerikali imminut misissuiffigisimanngilaaq, unioqqutitsisoqarneq ajorneranut torrassuunerput pissutaanerpoq, nalunngilarpulli taamaattoqanngitsoq; taamatut oqarpoq; Nunanut allanut ministeri; Condoleezza Rice.

Inuit Pisinnaatitaaffiinik 2006-imi unioqqutitsiffiunerpaajusimavoq Sudan:

Pinngitsaaliinerit, toqutsinerit kiisalu aaqqissuussaasumik inuinnarnik naalliutsitsinerit

Sudanimi naalakkersuisut tapersersugaannit sakkutuunit unioqqutinneqartarsimagamik.

Irakimi Afghanistanimilu USA-p inuit atugarissaarnerulernissaannut inuillu tamat oqaasissaqaqataanerulernissaannik suliniutinut ½ milliardinik aningaasaliisimavoq.

Pissutsilli pitsaanerulersimanngillat; Amerikamit tapersersorneqartut Irakimi Naalakkersuisunngortut; Inuit Pisinnaatitaaffiinik unioqqutitsinernut akisussaapput; ilaatigut parnaarussat ilaat; unatarneqartarsimapput, kinguaassiuutitigut narrunarsagaanerit, qupinnguallatsitaanikkullu naalliutsitaasarsimallutik.

Afghanistanimilu aamma Inuit Pisinnaatitaaffiinik unioqqutsitsinerit pisarsimapput; Talebanit Al-Queda-kkullu unioqqutsitsinerit ilaannik ingerlatsisarsimapput

Aammali naalakkersuisut kilitsissiallu politikimut inunnik attuumassuteqartunik toqutsisarsimapput.

Kinami Koreamilu inuit pisinnaatitaaffiinik unioqqutsitsisarnerit aamma atugaasorujussuusut oqaatigineqarput.