Inuit pinnguaataannik kalaallit sungiusaasuat Helga Nielsen Sisimiunut kalaallit pinnguaataanik ullumimiit sapaatip-akunneranik sivisussusilimmik (18.-24. maaji 2007) sungiusaassaaq.
Helga Nielsenip sungiusaanermini meeqqat atuarfiat meeqqeriviillu kalaallit pinnguaataannik misileraatitsinissaminut periarfississavai.
Sisimiuni eqaarsaartarfimmi innuttaasunut piumasunut aamma sungiusaassalluni.
Inuit pinnguaataannik sungiusaasup angalanerata siunertaraa, Sisimiut kommuneani akilinermiut pinnguaataasa tammatsaalineqarnissaat.
Sungiusaasup Sisimiuniinnermini Arctic Winter Games-imut piukkunneqartut inuit sisamat qanoq ingerlanerat alakkassavaa. Taakku sisamat angutaammata, Helga Nielsenip Sisimiuniinnermini inuusuttuaqqanik arnanillu unammisartussanik piukkunnartoqarnersoq paasiniassavaa.
Inuit pinnguaataannik sungiusaasut pikkorissartinneqassapputtaaq.
-Sisimiuni inuit pinnguaataannik timersortartut peqatigiiffiata siuarsarnissaa aamma siunertaavoq, siulersuisut immikkut ataatsimeeqatigineqassallutik, Helga Nielsen nalunaarpoq.
