Inuit pinnguaat Anchorage-imi unammissutigineqarput

Inuit pinnguaannik issittormiut unammiuaarnerat Alaskami Anchorage-imi pingasunngorpat aallartissapput.

Unammiuaarnerit pisortartigoortumik taaneqartarput World Eskimo-Indian Olympics, timersornerullu saniatigut kulturi qitiutinneqartarluni.

World Eskimo-Indian Olympics-imi unammiuaartarnerit 1961-imi aallartinneqarput.

Unammiuaarnerni unammissutaasartut ilaatigut tassaapput one aamma two foot highkick, tassa qummut isimmitseriaqattaarnerit, arm pull, pakassumminneq, unammissutaasartullu allarpassuit.

Aalisakkanik nerpitaajaanerit aamma unammissutigineqartarput, kinalu oqaluttuallaqqinnerpaajusoq unammissutigineqartarluni.

Unammissutigineqartartorlu allanalaartoq aamma unammissutigineqartarpoq, tassa sukkasuumik mattattorneq aamma unammissutigineqartarmat.

Tumerparpaarlutik tusarnaartitsisartut erinarsoqatigiillu katillugit qulit unammiuaarnerni aamma peqataassapput, Anchorage-imi Sullivan Arenami unammisinneqassagamik. Tusarnaariat 7000-it missaanniissangatinneqarput.

Alaskami inuit indianerillu taamatut naapisimaartuaannartarsimapput, ukiulli 46-t matuma siornatigut aaqqissugaanerusumik naapeqatigiittalersimallutik.

Aviisi Journal of Commerce taama allappoq.

Inuit 500-t missaanniittut unammiuaarnernut peqataassasut ilimagineqarpoq.