Inuit pingasut ajoqusertut
Inuit pingasut qummoroortartornerup kingunerisanik Nuummi ajoquuserput. Naak ukiutoqqarsiornermi nuna tamakkerlugu ajoqusertunik nalunaartoqarsimanngikkaluartoq ukiortaap kingorna inuit pingasut Dronning Ingridip Napparsimavissuani passunneqartariaqarsimapput.
-Qummoroortartornerup kingunerisaanik ajoqusersimasut pingasut maannakkumut allasimasuutigaagut, Dronning Ingridip Napparsimavissuani nakorsiatarfiup pisortaa, Jesper Olesen oqarpoq nangillunilu:
Nukappiaraq kiinnamigut uutitersimasoq maannangaaq qanoq perulutsiginersoq oqaatigisinnaanngikkallarparput, kisianni isigisamigut akornusersimasinnaavoq.
Alla assammigut uutitersimasoq aseruutuunnginniassammat aamma passupparput, allalu angut inuusuttoq heksehylimik kiisisimavoq qaartoorlunilu, angut inuusuttoq eqimigut uutsitersimavoq kigutaalu qupisimagunarluni.