Inuit oqaasiisa illersorneqarnissaat ataatsimeersuarnermi sammineqarpoq
Ataatsimeersuarneq taanna taaguutilik "Nunavut Language Summit", naggueqatigiit Inuit oqaasiisa illersorneqarnissaannut siuarsarneqarnissaannullu nutaamik alloriarnerussaaq. Naalagaaffiit Peqatigiit Nunat inoqqaavisa Pisinnaatitaaffiinik aalajangersagaasa innuttaasunit ilisimaneqarnerulernissaat, ataatsimeersuarnerup siunertaraa.
Ataatsimeersuarnermi naggueqatigiit Inuit, tuluit franskillu oqaasiisa akornanni ajornartorsiutit pilersartut qulaajarneqassapput. Nunavummi oqaatsit pillugit inatsisip nutaap atuutsilerneratigut kingunerisassai aamma oqaluuserineqassapput.
Nunatsinni oqaatsitigut misilittakkat paasisaqarfiginissaat siunertaralugu kalaallit rappertartut marluk, tassa Don Maliko aamma Pend-El, ataatsimeersuarnermut atatillugu aamma qaaqquneqarput. Tamakkua saniatigut Oqaasileriffimmi, Inerisaavimmi Ilinniusiorfimmilu sulisut aamma peqataassapput.