Inuit millionillit illoqarfik Sydney qimaqqusaajunnaaraat
Australiami illoqarfiit annersaanni Sydneymi innuttaasut 5 millionit sinnerlugit illoqarfik ulluni tulliuttuni arfineq-marlunni qimaqqusaajunnaarpaat.
Australiami nunap immikkoortuata New South Walesip naalakkersuinikkut siuttua Gladys Berejiklian, taama ilisimatitsivoq.
Inuit 30-nit ikinnerunngitsut coronavirusip allannguutaanik Deltamik sapaatit-akunnerata kingulliup ingerlanerani tunillanneqarsimanerat pissutaavoq. Coronavirusup allannguutaa Delta Indiami siullerpaamik siumorneqarpoq.
Sydneymi sissap ornigarneqarluartartup Bondi Beachip eqqaani tunillaassuuttoqaqqilernera paasineqarpoq.
Coronavirusi Australiami nunap immikkoortuini allani qaammatini kingullerni tuniluutilertoqqippoq, nappaatillu siaruatsaaliornissaa assigiinngitsutigut iliuuseqartoqarluni.