Inuit ikinnerpaamik 50-it Irakimi ullumi toqutaapput
Inuit ikinnerpaamik 28-t toqutaapput, 92-illu ikiligaallutik. Irakimi politiit Ritzau-imut taama ilisimatitsipput.
Irakip avannarpasinnerusortaani aamma qaartartumeerisoqarpoq, inuit ikinnerpaamik 22-t toqqutigisaannik. Inuit 112-t allat matumani ikiligaapput.
Bagdadimi qaartartumeerinernut kikkut akisussaasuunersut ilisimaneqanngilaq, peqqarniisaarnialli Al-Qaedakkut shiamusliminik siornatigut saassussisarnikuupput.
Shiamuslimit Irakimi amerlanerussuteqartut Al-Qaedakkunnit illuatungilerneqarput, upperluartuunngitsutut nalilerneqarlutik.
Sillimaniarnermut atatillugu assersuinerit anigorumallugit Al-Qaedakkut kingullertigut arnanik atuinerusalernikuupput. Arnat imminut toqoriaatigalutik qaartartumeerisut ukioq manna 20-t sinnerpaat.