Inuit atukkanut nutaanut sungiussisinnaassusaat misissorneqalerpoq
Manerassuarmi qeqertaaqqani Atollini inuit, Afrikami nuttartuarlutik inuusut issittumilu naggueqatigiit Inuit inuuniarlutik periusaat pissutsinullu sungiusimanngisanut tulluarsakkamik inooriaaseqalertarnerat Kirsten Hastrupip ilisimatuut allat qulingiluat peqatigalugit misissorniarpaat.
Manerassuarmi Atollini inuit periusaat silap pissusaata allanngoriartornera atorluarlugu inuuniarsinnaanermut takussutissaalluarput. Imaq qaffakkiartuinnarpat taakkua najugaqarfii nunarsuatsinni siullersaallutik morsuttussaapput, taamaammat nittartakkaminni takornarissanut nittarsaannerminni allassimavaat, piaartumik takornariaqqusillutik ukiut qulit qaangiuppata tammareersimasussaagamik.
Tassa inuuniarnerminnut atatillugu ajutoortoqalivinnera atorluarniarsaraat, takornarissat takkussuulluarpata iluanaarutitik atorlugit New Zealandimi nunamik pisisinnaaniassagamik, Kirsten Hastrup oqarpoq.
Kirsten Hastrupip aamma silap pissusaata allanngoriartornerata kinguneranik