Inuit Ataqatigiit siunnersuutertik aalajangiusimavaat

Danmarkimit tapiissutit ukiumut 10 millionit koruuninik ikilisinneqartalernissaat Inuit Ataqatigiit ukiortaami oqaaseqaatiminni ilaatigut siunnersuutigaat. Tamannali Demokraatinit Siumumillu sakkortuumik akerlilerneqarpoq. Inuit Ataqatigiilli siunnersuutertik aaliangiusimavaat.

-  10 millionit 6 milliardit iluanni annaaneqarnissaannut annilaanganeq tunngavissaqanngilaq, Inuit Ataqatigiit politikkikkut oqaaseqartartoq Aqqaluaq B. Egede oqarpoq.

Pisussaaffiliinissaq anguniagassaqalernissarlu siunertaralugu Danmarkimit tapiissutit ukiumut 10 millionit koruuninik ikilisinneqartarnissaat Inuit Ataqatigiit taakkartorpaat.

Tamannalu Demokraatinit sakkortuumik akerlilerneqarpoq. Inuit Ataqatigiit taamatut siunnersuuteqarnerminni qanoq aningaasarsiortoqarsinnaaneranik tikkuussinnginnerat isornartorsiorlugu.

Aamma atuaruk Ataatsimoortumik tapiissutit ikilisikkiartuaartinnissaat Demokraatit isumaqatiginngilaat

Namminersornermik isumaqatigiissut 2009-mi atuutilermat tapiissutinit isertitassaraluit milliuunilikkaat annaasaqaataasimaneri ilaatigut Demokraatini aamma tunngavilersuutigineqarpoq.

Siunnersuummut Siumukkut aamma akerliupput. Ukiuni aggersuni aningaasaqarneq sakkortuumik unammillerfiummat taavalu aatsitassarsiornikkut aninagasanik isaatitsilerutta ukiumut 75 millionit koruuninik Danmarkimit ataatsimoortunit tapiissutinit ilanngaatigineqartartussaasut taakkua tikkuarpaat.'

Aamma atuaruk Tapiissutit ikilisinneqarnissaannut Siumumit akerlerineqarpoq

Avataanit siunnersortit sipaarfiginiarpaat

Inuit Ataqatigiilli qanoq sipaarniartoqarsinnaaneranik siunnersuutissaqarput.

-  Siullermik nunatta avataanit siunnersortinik atuinermut 100 milliuunilikkaat arlallit sipaarneqarsinnaapput aammalu imminut pilersorneq nioqqutissanik nunatta avataanut isumalluuteqarnerujussuaq nunami pilersitsinissakkut imminut isumalluutigilernikkut aningaasarsiornermut suliffissaqartitsinermullu qaffaataasussaq oqaatigillattaasarparput,

Inuit Ataqatigiillu taperserneqanngikkaluarlutik tunniutiinnarnianngillat.

- Aningaasaqarnikkut ingerlatsineq pillugu naalakkersuisut nalunaarutaat sammilerutsigu aamma ilanngullugu saqqummiuteqqissavarput. Maannakkut namminiilivinnissamut suliakkiissutaasut suliaralugit aallartinneqarnissaanut tunuarterneq unitsinneqassasoq, Inuit Ataqatigiinni politikkikkut oqaaseqartartoq Aqqaluaq B. Egede oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat