Inuit Ataqatigiit Inatsisartuni ilaasortaatitai siulittaasortaarput
Inuit Ataqatigiit Inatsisartuni ilaasortaatitaannut siulittaasunngorpoq Inatsisartunut ilaasortaq Josef Motzfeldt, taassuma taarserpaa ukiuni arlalinni siulittaasuusimasoq Inatsisartunut ilaasortaq Ane Hansen.
Allattoq Louise M. Kleemann
Inuit Ataqatigiit ileqqoraat Inatsisartut Siulittaasoqarfianni ilaasortaatitaq gruppimi aamma siulittaasorineqartartoq.
Josef Motzfeldt New Yorkimi FN-ip ataatsimeersuarnerani peqataareerluni Nuummut maanna uteqqammerpoq, taamalu Inatsisartut ukiaq manna ataatsimiilernerat aallarnerfigalugu Siulittaasoqarfimmut ilaasortanngorluni.