Inuit arfineq-pingasut, qimussit arfinillit qimmillu 79 ilulissat kangerluani nikinnaveeqqasut
Inuit arfineq pingasut qulimiguulimmut ikineqarlutik Ilulissanukaanneqarput.
Air Greenlandip annaassiniarnermut qulimiguulia inunnik arfinilinnik annaassinermut atorneqarpoq. Toqqorsivimmit assi.
Allattoq Christine Hyldal
marsip 05-at 2021 11:28
Inuillu qimmillu qimuttut ataatsimoortut Ilulissat kangerluanit ippassaq nikeriarneq ajulerput.
Taakku sikumukartillutik sikuli sequtsilerpoq. Taamaammat inuit arfinillit ilaat ikiortissarsiorsiorluni sianerpoq, taakkumi nunamukaqqissinnaassanerlutik ernumatigilerpaat.
Issittumi Sakkutooqarfik sikumi ajornartorsiortut pillugit nalunaaqutaq 18.13 nalunaarfigineqarpoq, Air Greenlandimiillu qulimiguulik aallartinneqarluni.
Inuit arfineq-pingasut ajornartooqqasut aaneqarput Ilulissanukaanneqarlutillu.
Qimmit qimuttullu sikumut qimaannarneqarput.
Issittumi Sakkutooqarfiup oqarnera naapertorlugu inuit taakku arfinillit annaanneqartut qimmit qimuttullu aallugit ullaaq manna aallarput.
