Inuit 157-it Guineami ullumi toqutaapput
Afrikap kangiatungaani naalagaaffimmi Guineami illoqarfiit pingaarnersaani Conakrymi arsaattarfiup eqqaani isumannaallisaanissami sakkutuut akerliussutsimik takutitsisunut ullumi aallaarsarinnimmata inuit ikinnerpaamik 157-it toqutaapput 1250-inillu ikinnerunngitsut ikiligaallutik. Taama Guineami inuit pisinnaatitaaffiinik nakkutiginnittoqatigiinnit nalunaarutigineqarpoq.
Allattoq Mads Lynge
- Massakkumut inuit 157-it toqutaasimasut, ikiligaasimasullu 1253-it kisippavut. Sulisuvut Conakrymi tamarmi, napparsimmavinnilu angalaarsimapput, suulli tamarmik takusinnaasimanngilaat." Taama inuit pisinnaatitaafiinik nakkutiginnittoqatigiit oqaaseqartartuata nalunaarutigaa.
Guineami partiit illuatungiliuttuusut siusinnerusukkut akerliussutsimik takutitsineq peqqarniittumik unitsitaammat inuit 128-t inuunerannik akeqarsimanerarlugu nalunaarutigisimagaluarpaat.
Isumannaallisaanissami sakkutuut peqqarniisaarsimanerat USA-p, FN-ip EU-llu sakkortuumik avoqqaarliutigereerpaat.