Inuit 120.000-t missaat Katuamukartarput
Kulturikkut illorsuarput Katuaq ukiut qulinngortorsiorluni sapaatip akunnerata naanerani nalliuttorsiorpoq.
Sisamanngormat kaffillerneqarpq – Mariina nipilersortartuilu Qasigiannguaneersut aamma Nuummi nipilersortartut Kalak tallimanngormat tusarnaartitsipput, sapaatillu akunnerata naanerani meeqqanut marloriarluni aamma aaqqissuussisoqarluni.
Nunani Avannarlerni piorsarsimassutsikkut Attaveqaammi, tassa NAPA-mi, pisortaasimasoq,
Ole Oxholm, tassuugu nalunaaqutaq arfineq-marlunut oqalugiassaaq. Katuaq ukiut qulit matuma siorna atoqqaartinneqarmat qanimut aamma peqataavoq.
Katuami pisortaq, Juaaka Lyberth aperaarput, ukiut qulit siulliit qanoq ingerlasimanersut:
- Isumaqarpunga takorluukkatsinninngaaniit iluatsitsinerujussuulluta angusqarnerujussuullutalu ingerlasimasugut. Ssigiinngitsorparujussuarnik nutaaliorluta pilersitsiortorsimavugut, kulturimik suliaqartartut assigiingitsut; isiginnaartitsisartut, nipilersortartut, eqqumiitsuliortut allarpassuillu peqatigalugit, Katuallu tamanna siunissami aamma nakooqutissaraa. Piviusunngoriartortut takorluukkaninngaaniit allaasarput. Kisianni isumaqarpunga annerpaartaatigut Katuaq iluatsitsilluarsimasoq, pingaartumik Nuummi kulturhusitut ingerlanermini. Misilittakkavut naapertorlugit ineriartortissimavarput, ukiumiit ukiumut. Suleqativut, aningaasaliisartut tapiissuteqartartut allallu peqatigalugit – aamma kulturimik atuisartorparujussuit peqatigilluinnarpavut. Inupparujussuit Katuamukaasarput, illu atorneqartoriujussuuvoq, tassalu nuannequtaa, ukiumut 120.000-it tungaanut iserlutillu anisarput, Juaaka Lyberth oqarpoq.
